Kuvhura masuwo

Vhiki imwe neimwe ndinobvunzwa kuti mushonga wekuvhura masuwo unowanikwepi muno mu UK.  Zvikuru kuvakadzi vane mimba yokutanga vasati vahwisisa kuti mimba hachisi chigwere, ukavaudza nhema unotyisidzira vana vadiki kuti vafunge kuti pane zvinofanira kuitwa kuti mwana akwane pakubuda. 
Kune vanhukadzi vakawanda chose vanoudzwa kuti kana vane mimba panosvika nguva yokuti vanopiwa mushonga wekuti kana mwana wobuda zvira yaanobuda nayo inge yakakura zvokuti mwana akwane kupfuura nayo. Izvi zvinoreva kuti pane vanhu vanofunga kuti mwana anokwanisa kusakwana paanobuda napo zvokuti vakapiwa mushonga panokura mwana okwana. 

Chokutanga : Zvinoitika here kuti mwana asakwana? 
Zvinoitika chose zvikuru kuvakadzi vane tsoka dikidiki. Mwana achizvagwa anopinda nepakati pemabhonzo anohi PELVIC GIRDLE kubva kumberi kuenda shure kune muromo wechitubu.  Kana ukafongora une mimba, unokasira kuhwisisa kuti sei mwana achifanira kupinda nepachighedhe ichi kuti abude. Chibereko chiri kuno kumberi kudumbu asi murumo wechitubu uri kuseri kwechighede ichi chemabhonzo.

Pelvic Girdle.
Dumbu riri pamusoro. Mwana anobuda nepasi.

Munhukadzi ane chiuno chikuru kupfuura munhurume, kureva kuti mabhonzo ake akati kurei uye chighedhe ichi chinokwana mwana pakuzvara. Tarisa papikicha iyi uhwisise kuti dumbu rinokurira mwana riri pamusoro pemabhonzo awa asi chutubu chinozvara mwana chiri pasi.

Kuti mwana asakwana zvinoitiswa nokuti mabhonzo emuchiuno awa anenge ari madiki chighede chacho chinopinda nomwana choita chidiki. Kana une mimba majoini akabatanidza mabhonzo anoreruka zvokuti chighedhe ichi chinoti kurei zvishomanana uye kukwanisa kurereka zvokuti mwana akwane. 



Chihwisisazve kuti hakuna mushonga unokwanisa kukudza mabhonzo emunhu iye atova munhu mukuru.  Zvinoreva kuti mishonga yese yaunomwa haina zvainoshanda pamabhonzo awa. 

Chibereko:
Totarisazve pamukova wechibereko panobuda nomwana muchibereko. Chibereko kana usina mimba chakakura kuda kuita se AVOCADO risina kuibva. Mukova wechibereko haukwani chikumwe kupinda uye wakavhagwa nemadzibwa (mucus ). Kuti zvigwere zvisapinda. Mwana anokuriramo kusvika atova mwana akasvika. Panguva iyi mwana anenge orema maKG matatu kana kupfuura. Chibereko chinenge chakura kusvika pakukwanisa kuchengeta mwana mukati. Uku kaburi kaya kanenge kachingori kadiki uye pasina chinopindamo. 
Mwana mukati mechibereko anenge ari mukati mechisaga chakazara mvura. Chisaga ichi chinotatamuka mwana achikura chichiwedzerawo mvura iya. Zvinoitigwa kuti kana munhu ane mimba akawira pasi kana kuita ACCIDENT, mwana asakuvara mudumbu. 

Kana nguva yekuzvagwa kwemwana yakwana, kaburi kaya kanokura, chisaga chemvura chotushuka mvura yovhinza, mwana wobuda nepakaburi kaya, wopinda muchitubu, wobva abuda kuzhe, vanogamuchira vogamuchira. 

1. Kuti kaburi kaya kakure hazvidi mushonga. Zvinoitwa nemaHORMONES emiviri wemukadzi. 
2. Kuti chisaga chemvura chitushuke hazvidi mushonga, zvinoitika zvega nguva yakwana.
3. Kuti chitubu chikure zvokuti mwana akwane kubuda hazvidi mushonga, zvinoitika zvega. Kuno kumuromo kwechitubu kunotatamukawo kusvika mwana akwana kubuda. 

Musoro wemwana une mabhonzo asina kubatana zvokuti musoro wemwana unotefetera kuti akwane pakubuda. Mafudzi emwana anotsveyama kuti pakubuda zviite nyore.  Hapana kana mushonga unodiwapo. Zvese zvinoitwa nemishonga iri mumuviri wemunhu nechekare inohi ma HORMONES. 

Pane zvinhu zviviri zvinofanira kuti tihwisise. 
1 Mishonga yekuvhura masuwo inopiwa vakadzi vemuZimbabwe chete chete asi vanhukadzi munyika dzese vari kungozvara vana zvakanaka pasina mishonga iyi. 
2 Munhukadzi kana ane mimba haafaniri kumwa mishonga isina kufanira, kumwa doro, kana kusvuta fodya. Zvinhu izvi zvinokuvadza mwana ari mudumbu. 

Tikanatsofunga tinoona kuti zvinhu zviviri izvi zvinoratidza kuti mishonga yatinopiwa nevakuru inohi ndeyokuvhura masuwo haina zvainoshanda uye inokwanisa kutokuvadza vana vasina kuzvagwa. Mimba hachisi chigwere chinoda mushonga. Kubva kare nakare vana vaingozvagwa. Saka zvinofamba sei  kuti vakadzi vokwedu chete ndivo vasingagoni kuzvara pasina mushonga? 

Kuno kuDiaspora tinoona kuti vakadzi vaya vasina kudzidza BIOLOGY ndivo vanonyanya kutsvaka mushonga wekuvhura masuwo. Izvi hazvirevi kuti munhu haana kudzidza asi kungoti haana kudzidza BIOLOGY. Saka tinoona kuti vakadzi vanomwa mishonga iyi neavo vasingamwi, vese vanongozvara zvakafanana. Koitazve kuti kana mabhonzo ako ari madiki, zvikazikamwa nevarapi, unoudzwa kuti mwana achabuda nokuchekwa dumbu kwete kuzvagwa. Apa chero ukamwa mishonga ipi zvayo unongonochekwa dumbu. 

Kana waita mimba, chasara kuzvara mwana chete. Hapana kumwe kungainda mwana. Hazviiti kuti mwana agare mudumbu ramai vake kupfuura mwedzi mupfumbamwe. Saka kana uchimwa mushonga kuti uvhurike mwana abude, unenge uchizama kuitei? 
Ngatisaudzana nhema panyaya yemimba nokuti inguva inotyisa avo vasina Experience nayo. 
. 

Verengazve pakahi
Mimba yokutanga
Kana wada Mimba

Hwisisazve kuti nyika imwe neimwe ine zvainoita zvisina njere zvokuti ukazviudzwa unotoseka wofunga kuti vanhu vanohumana. asi kwedu tichiitawo zvinhu zvinovasetsa.

Ku Jamaica vanoudzwa kuti ukagera vhudzi remwana asati otaura, haazokwanisi kutaura.
Ku UK vanoudzwa kuti zvinoitisa munyama kuvhura UMBRELLA uri mumba.
Ku UK vanoudzwa kuti kana nyenganyenga ikapinda mumba pachaitika rufu pamusha.
Ku Botswana vanoudzwa kuti kana shiri inohi kondo ikarira kwasviba, panoitika rufu
Ku RSA vanoudzwa kuti mukadzi akazvara mwana haabvumidzwi kubika kusvika kwapera mazuva gumi.

Zvese izvi tinoziva kuti hapana chazvinoshanda asi vanhu vanongozviita chete nokuti vanoudzwa nhema votyiswa nadzo.

Mibvunzo inotyisa:

Ko ndove yenzou inoshandisiwa sei kana munhu achigadzirira masuwo?
Ndavhunduswa nemubvunzo uyu nokuti vanhu havatombohwisisi kuti kuzvara kunofamba sei. Ndove yenzou inokwanisa kuva nemaBACTERIA asingawirirani zvachose neari mumuviri wemukadzi ane mimba. Kana mimba yoda kusvika, zvkuita chinhu chinokwanisa kukupa maBACTERIA asiriwo hazvina kunaka nokuti kurapiwa nguva iyi kunonetsa. Mwana anozvagwa asina RESISTANCE pazvigwere. Anotozowana RESISTANCE kubva pakumwa mukaka wamai wezamu ozokwanisa kuhi ava neRESISTANCE shomanana kwapera vhiki nhanhatu (6 weeks) achimwa mukaka wezamu. Vaya vanomwiswa bhodhoro vari munhamo chaiyo.

Kana ukatevedzera zvimishonga zvaunoudzwa nevanhu vemuraini zvokuvhura masuwo izvi, tevedzera hako asi ita uchiziva kuti zvine dambudziko uye hapana masuwo azvinovhura.

Udzai Vamwe!!!!!

Kuvhurira mwana nzira uine mimba
Kuvhura nzira yomwana
kuvhura nzira yemwana 

kuvhurira mwana nzira uine pamuviri

mushonga we masuwo

mushonga we masuwo

Murume/mukadzi anobvumidzwa kuhura

Mazuvano nyika yedu yasiyana nezvayange iri kare. Mari mumusha yave shoma pane inodiwa kuti titenge zvinhu zvatinochiva kudzimba dzevamwe. Maitire edu pamamirire emumusha asiyanawo nezvakare.  Mazuvano unowana mukadzi wemunhu achitengesa zvinhu ku Jobhegi kana kuZambia kana kuMoza, kana Botswana, achipedza vhiki ariko asina musha kana hama inozikamwa yaanogara nayo ikoko, uku Musha wake uri kuMasvingo. Murume wake haana hanya nokuti ari kuvatepi nokuti anoziva kuti aenda kunotengesa zvinhu zvaagadzira zvakaita sezvekusona kana kuruka. Zvechokwadi kune mutengesi wenhumbi dzakadai asingahuri zvachose asi kune umwe anohura. 

Totizve kune varume vanogara pamusha mukadzi achipota achibuda achienda kunohurira mari odzoka nemairi iya nezvinhu zvaatenga kumagirosa obika vodya vese nomurume nevana, mhuri yatorarama. Ipapo vanopa mhosva kumukadzi vanotaura vachiita sokuti murume ari kuhurigwa asingazivi asi ipapo anenge achitoziva kuti ndipo pari kubva mari yavari kurarama nayo.

Mukaenda kunzvimbo dzakaita se Beit Bridge, Chirundu, Victoria Falls, Mutare, munoona pane vanhukadzi vanovatapo mumagonyeti mamwe ane manhambha edzimwe nyika kureva kuti vakadzi ava vari kuhura nemadhiraiva. Vamwe vavo vakadzi vevanhu vanoti kukazosviba vapedza basa vodzokera kumba kundobikira vana nomurume. Murume haabvunzi kuti mari yokutenga girosary yabvepi. Anotogeza maoko odyawo sadza riya rabikwa obva auchira kutenda nezvaitwa nomukadzi.

Kune vakawanda vanoziva kuti mukadzi ari kuhurira mari. Kune vakawanda vanoti nyaya dzaipa mumba vokumbira mukadzi kuti aite zano rokuwana mari vana vapinde chikoro, uye mhuri ikwanise kutenga zvokudya nezvokupfeka. Saka vese mukadzi nomurume vanenge vachitowirirana pakuti mukadzi ahure. Nyaya yakadai inoitiswa nenhamo pamusha. Nhamo pamusha kazhinji inoitiswa nousimbe  hwemurume. Kana wawanikwa nomurume simbe unototi uite nhamo pamusha chete.

Chimwezve chinokwanisa kuitisa murume kuti abvumidze mukadzi kuhura, inyaya yokushaya mwana. Kune varume vanoona zvisina kukodzera kuti vazikamwe muruwa kuti Havana mhodzi dzokuitisa mukadzi mimba. Zvadaro murume anokwanisa kutaura nomukadzi wake kuti aone zvaangaita kuti aite mimba. Mukadziwo pakadaro anosarudza murume wekuhura naye. Kunokune dzimwe nyika mukadzi nomurume vanokwanisa kugara pasi voronga vese kuti vokumbira ani.

Chimwezve chinokwanisa kuti murume abvumidze mukadzi kuhura ugwere. Kana murume akagwara zvokuziva kuti haachakwanisi kuvata nomukadzi wake asi achiziva kuti mukadzi achiri munhu wechidiki anoda kugarovatwa naye, anokwanisa kumuudza kuti kana achida ngaaiswe hake.

Mukadziwo kana ari munhu akarerekera ikoko, anobva awana munhu wekuhura naye. Poitazve murume asina hanya nokukwira mukadzi wake anoona kuti mukadzi ari kuda chose asi iye haadi kuvata naye. Anokwanisa kupa mukadzi mvumo yokuhura kuti zvisamusvikira kuti avate nomukadzi. Pakadai vese vanoziva

Koitazve varume vanosiya vakadzi vavo vachienda kune dzimwe nyika kwenguva refu. Chokwadi ndechokuti vakadzi vakawanda vanosara vachihura, uye varume vakawanda vanoziva kuti vakadzi vavo vari kuhura asi vanosaita hanya nazvo. Murumewo kuya kwaasvika anowanawo mukadzi wekuhura naye kwenguva yakareba kusvika adzokera kumukadzi wake. 

Varumewo vanohura vachibuda mumba vakawanda vane mvumo dzevakadzi vavo. Kune vakadzi vakawanda vasingadi zvachose kuvata nevarume vavo asi vachiziva kuti murume ari kuda chose kuvata naye. Anokwanisa kubvumirana nomurume kuti murume awane hure rokuvata naro asi kana apedza ngaauye kumba. Iyi inyaya inonetsa veruzhinji kuhwisisa asi kungoti tizive kuti kune mhuri dzakadai mudzimba dzavo.

Kune vakadziwo vanopatsaniswa nevarume vavo umwe wogara kune imwe nyika umwe ari kumwe. Kuno tine vakadzi nevarume vava nemakore akawanda vamwe vanosvika gumi remakore vasina ksangana nevavakaroorana navo. Vamwe vavo vanobvumirana nevarume vavo kuti vafanohura asi vasaitisa mimba kana kuroora. Saka apa vese murume nomukadzi vanofanohura zviri zvokungoda kuwana wekuvata naye asi uku vachida kuramba vakaroorana.

Kuchinjana vakadzi/varume

Kozoti vamwe vakaroorana vanoshamwaridzana nevamwe vakaroorana, vanopota vachichinjana vakadzi/varume panyaya dzokuisana chete chete pasina mari inopiwa. Kunenge kuri kungoda kunakigwa nokuiswa/kuisa umwe munhu asiri uya wawajaira. Munyika dzakawanda chinhu chava kuzikamwa kuti chinoitika chose. Kazhinji vanhu vakadai vonosanga pamwe chete vochinjana varume/vakadzi, voti ava muROOM yavo ava muROOM yavo voisana. Vapedza vanokwanisa kuenda ku RESTAURANT  vonodya zvavo pamwe chete vachiita nyaya. Zvadaro vodzokera kudzimba dzavo. Pamwe vanenge vane mitemo seyokuti vanofanira kushandisa makondhomu. 

Hapana anofosiwa uye hapana anoudza umwe chihure. Kubvumirana kwavo vese vachiziva kuti ndizvo zviri kuitika. 

Kuvata neshamwari

Kotizve kune vamwe vanoti kana shamwari isina mukadzi/murume wekuvata naye anokwanisa kutaura newake kumukumbira kuti abvume kuti shamwari iya ipote ichizovata kumba kwenyu nomukadzi/murume wako. Izvi zviri kuitika chose munyika dzakawanda. 

KuUSA kwava ne PROGRAM inohi HUSBAND SHARING-WIFE SHARING, yokuti murume/mukadzi anokumbira kuti avate noumwe munhu sokuti pamazuva maviri kana matatu pavhiki. Umwe wake omubvumidza kuita. Anokwanisa kuenda kumba kweuya umwe onovatako, mangwana odzoka kwake mukadzi/murume wake osaita hanya nazvo.

Hazvina kusiyana ne PROGRAM yema SMALL HOUSE yokwedu asi kungoti zvinoitwa navese varume nevakadzi uye kuti munobvumirana kuti zviitike saka hapana kuzovengana pazviri.  Mangobvumirana, mese muri vatatu munoita kamusangano kenyu mobvumirana kuti zvichafamba sei uye kana moda kuzvipedza munozvipedza sei. Mopanana mazuva okuti uya anochinjanwa azive kuti musi wekuti anonovaka kuimba ipi.

Kwedu tinozviona zvichiitwa nevarume vane vakadi vakawanda semapositori nevamwe. Kweduzve tinoziva kuti mapositori akazoonekwa kuti akatakura HIV, kureva kuti vakadzi vavo vanonovatawo nevarume vakawanda vekuzhe kwemhuri. Chete kuti murume angenge asingazvizivi. Akazviziva anopumha mukadzi chihure asi iye achifunga kuti anobvumidzwa kuhura nevamwe vakadzi. 

Kuroorana nengochani:

Kune ngochani dzine mari zvokuti vakadzi vanenge vachida kuroogwa nadzo iri ngari yemari. Ukuwo ngochani iya haidi kuti vanhu vazive kuti ingochani. Saka anokwanisa kukumbirawo mukadzi wake kuti asamufumura kumhuri uye kana achida hake awane umwe wekuvata naye asi oitawo zviri pachivande. Ngochani yakadai kana yoda mwana inongoudza mukadzi kuti aite mimba nechikoma chiya asi mwana ohi ndewemumba.

Kune ngochani zhinji dzinoda vese vakadzi nevarume zvokuti kana voda mwana murume wake anokwanisa kuvata naye kuti aite mimba. Uku kuchikomba anohi shandisa makondomu. 

Saka zvinorevei? 

Nyaya iri pano ndeyekuti tihwisise kuti kana paya ukaona mukadzi/murume wehama yako achihura, kana usina kunyatsobata kuti umwe wake musoro wenyaya pauviri hwavo, unokwanisa kupaparika nazvo woudza dzimwe hama uchifunga kuti wava kurambanisa vanhu ugozoona voramba vari vese, ipapo watozvikanganisira hama yako zvokuti kumba kwake zvonetsa kuti usvikeko. Iyewo nomurume/mukadzi wake vachanetseka kusvika kumba kwako  

Pamagarire edu amazuvano atinoziva kuti kuhura kunouraya, tinodziya musoro kana tikaona hama ichihura kana kuhurigwa. Zvikuru kana ari muroora watinofunga kuti muranda wedu watinoita zvatinoda naye. Ngwara maudzire aunoita hama dzako kana wazvibata kuti ari kuhura. Zvikuru kana achihurira murume waanogara naye iwe usingazivi kuti kumba kwavo nyaya yavo yakamira sei. 

Pamwe vanenge vakatobvumrana zvokuita asi vasingadi kuti hama dzizvizive. Iwe ndiwe uchaita benzi pafamba uchishambadza zvawaona kumhuri. 

Chokuita:

Panyaya dzinokwanisa kuputsa misha iwe usajaira kuva munhu anohi ndiye akaputsa musha wanhingi. Hazvinei kuti uri ani pamhuri yenyu. Basa rako kana waona chaunofungira kuti chakaipa, kutanga watsvaga tsvananguro yakakwana usati wapengeswa ne EXCITEMENT yenyaya. Munhu akasvinura anofanira kuzikamwa nokuvaka kwaanobatsira vamwe nako, kwete kubatsira kuputsa. 

Kana uri mukuru pamusha kana pamhuri yenyu mirira kudanwa nehama yako kuti akuudze kuti mukadzi/murume wake ari kuhura usati wakoka mhuri yese kundounganapo kuti vatonge nyaya.  Maitire emazuvano asiyana neekare kwainzi hazvanzi dzemurume dzinokwanisa kudzinga muroora kana dzawana nyaya inomudzingisa. Kana kuti hazvanzi dzemukadzi dzinokwanisa kuzotora tete vavo kana dzafunga kuti mukuwasha haasi kumuchengeta zvakanaka. 

Mirira kudanwa worondedzegwa nyaya woenda wega wozama kuvaka musha wehama, uye kuhwisisa kuti vese vari kufungei. Kana zvikakona hazvo uchaona kuti vese vanovimba newe zvokuti vese vanoramba vachitaura newe kusvika pokuti kana vachizotangazve kutaudzana unenge uripo kuvaka musha wavo navo. 

Chirudzi chedu mitemo yacho inogozhera vakawanda kusvika pakuti vanovanza maitire avo kana vafunga kuti mhuri haingazvigamuchiri. Saka chenjera. 

Variko vakawanda vanoita zvokubvumirana kuhura pasina zvinovanetsa mufungwa saka iwe wekuzhe ukazviona rega kufunga kuti waona nyaya ine muto saka woda kuti hama dzese dziuye kuzoseva ipapo. Tanga waheisisa pane nyaya. 

Hwisisai nyaya idzi nokuti dzinoshungurudza vakawanda vemhuri. 

Udzai vamwe!!!!!

Kutumidza mwana zita.

Munyika medu pachirudzi chedu tese vatauri vemitauro inohi chiShona, chiNdebele, chiChewa, chiVhenda, chiKalianga etc, tinofarira chose kutumidza vana mazita ane zvaanoreva. Tinofarirazve kupa vana mazita anotaridza zvatinofungira vamwe vanhu vemhuri kana vatakavakidzana navo, kuti pese pavanoona mwana uyu vahwisise zvatinofunga pamusoro pavo.

Kuna muroora akasvika pamusha akaoneswa nhamo mhuri isingadi kuti agarepo, paanozoita mwana anokwanisa kuda kuti mhuri ihwisise nhamo yavakamupa obva atumdza mwana zita rinoenderana nazvo. Kotizve mafambire ari kuita matongegwe enyika anoitisa kuti vana vapiwe mazita anoenderana nokuona kunoita vabereki pazviri.

Vabereki vakapinda dzimwe chechi dzinoshandisa mavara echirungu vanokwanisa kuda kupa vana vavo mazita anoenderana nezviri kuitika kuchechi. Semazuvano kune vaporofita vakawanda vanoita masaramusi pamberi pevateveri vavo. Mubereki akaona saramusi richiitwa anokwanisa kuda kutumidza mwana zita resaramusi riya.

Kozoita vamwe vabereki vanotimidza mwana mavara echirungu avanohwa muzheve kunakidza kuadana asi vasingahwisisi kuti vara racho kumusha kwaro kwarakatanga rinorevei. Kakawanda vabereki vakadai vanopa vana mazita asina kukodzera kupiwa mwana.

Vabereki vakawanda vanoona sokuti mwana ndewavo sezvakangoita ufumi hwavo, zvokuti chido chomubereki ndicho chinoitwa pamwana. Izvi hazvina kuipa kana mubereki achihwisisa kuti mwana uyu achakura agokwanisawo kufambafamba munyika dzakawanda achiita zvinodiwa noupenyu hwake. Zvichaitika kuti zita riya ramamupa rinomuita asekwe nevanosangana naye. Muupenyu vanhu havana rudo newe kana usina zvinhu zvakaita semari.

Apa tiri kuti kana mafunga kupa mwana zita rechirungu, kana rerurimi gusiri gwenyu, tangai mabvunza vatauri verurimi kuti vara iri rinorevei. Zvadaro moritarisazve muDictionary morihwisisa musati mapa mwana zita. Zvikuru musapa mwana mavara aya anohi ma ADJECTIVE muchirungu. Ndiwo mavara anowanzovhiringa vanhu pakumaita mazita.

Pana ndawana mazita kawanda chose anoshandiswa muZimbabwe semazit evana. Zvitarisirewo wega kana uchifunga zvokutumidza mwana zita. Hwisisa zvinoreva zita ugofunga kuti ndizvo here zvauri kuda kutaura pamusoro pemwana wako. Kana wahwisisa wochitumidza hako mwana wako.

---

Mazita evana muZimbabwe

About	Absolute	Account	Actor	Adrift
Alert	Alone	America	Anas	Arial
Artson	Artwell	Asleep	AsSoonAs	Astonish
Astonishment	Aswellas	AtLast	Atom	Atone
Attention	Bald	Basopo	Batanai	Beautiful
Before	Behind	Belamine	Berekai	Besides
Between	Beware	Bhiridha	Bigboy	Biggie
Biggie boy	Blue	Boast	Bonus	Bookworm
Bribe	Bribery	Brief	Bright	Brighton
Brilient	Brother	Business	Busstop	Button
Bvisai	Cabinet	Cansee	Careful	Carrymore
Carryon	Chakezha	Challenge	Chando	Change
Chasura	Chatunga	Cheguhwa	Chengerai	Chengetai
Chenhamo	Chenhema	Cheukai	Chibharo	Chichemo
Chidiki	Chido	Chifodya	Chikangamwai	Chikonzero
Chikwereti	Chimurenga	Chimwanachedu	Chindori	Chininga
Chinoona	Chirango	Chishangu	Chitsamba	Choice
Chombo	Chorus	Clamydia	Clever	Clitoris
Clodia	Cloud	Colony	Compare	Constable
Continue	Correction	Cotbed	Credit	Cross
Crossroad	Crymore	Custom	Dananai	Danger
Dangerous	Dangerous	Daylight	Decalog	Delicious
Discovery	Distant	Do-it	Dollar	Double
Doubt	Dream	Dudzai	Dudzirai	Dutchman
Dzikamai	East	Easyboy	Econet	Economy
Eight	Efficient	Eggshell	Eleven	Energy
Englishman	Evening	Evermore	Excel	Except
Fatson	Feelmore	FeelUs	Femberai	Figure
Final	Fix	Fixman	Fixture	Flannel
Flavour	Fodya	Forever	Forgiven	Fort
Fortunate	Freeborn	Freedom	Freeman	Fregrance
Freight	Fukidzai	Fumairipi	Future	Fuel
Ganyabvu	Garikai	Garisanai	Garo	Giant
Givemore	Godknows	Goodchap	Goronga	Grade
Grapevine	Green	Gupuro	Hamadzapera	Hamadziripi
Hardlife	Have-a-look	Hector	Hendepotia	Hillson
Hondo	Houseman	Humble	Immediate	Independent
Innocent	Intrigue	Itai	Jairosi	Januwari
Jargon	Jelous	Kamukoko	Kisimisi	Kissman
Kissme	Kissmore	Knowledge	Kombai	Komichi
Korai	Kuchafiwa	Kurudzirai	Kuvhaira	Labia
Lawman	Leader	Leading	Lesson	Letter
Level	Licence	Lickmore	Life	Lifeness
Light	Lightening	Linen	Listen	Listener
Littleman	Lonely	Lookmore	Lookout	Loot
Lovegot	Lovejoy	Lovely	Lovemore	Loveness
Loveson	Lucky	Luckymore	Machimwase	Machipisi
Mafemo	Magarire	Magwenzi	Mahobi	Maiden
Maidei	Major	Makemore	Mangwana	Mandishora
Maniac	Manyara	Maonei	Maraisi	Mariyawanda
Marumura	Marvel	Marvellous	Masanga	Mashura
Mauivepi	Maune	Mawanzisa	Maybe	Mazvihwa
Mazviona	Mazvionaka	Mbengo	Memory	Midget
Million	Mind	Mindyou	Mirai	Mistake
Moreblessing	Moregood	Muchadeyi	Muchandiona	Muchazvidemba
Muchazvidini	Muchero	Mudhaniso	Mudiwa	Mudzaswa
Mumvuri	Mupopoti	Muporofita	Murambiwa	Mwaimbodei
Mzilikazi	Nailon	Narumba	Ndaizivei	Ndakazivei
Ndakazviona	Ndataura	Nearmiss	Never	Ngide
Ngwarayi	Nhevha	Nice	Night	Nine
Nobetter?	Nodust	Noise	Nomatter	Nonsense
Norest	Notice	Noticed	Notus (Not Us)	Notyet
Novice	Noway	Number	Nyarai	Nyararai
Nzara	Obvious	Offpoint	Onai	One
OneDollar	Oneness	Orange	Orchad	Over
Overseas	Paddock	Pagozha	Panganai	Paridzai
Partson	Passby	Passmore	Pastures	Peace
Pendzisai	Penmore	Percent	Perseverance	Personal
Petition	Pfumojena	Picture	Pinjisi	Pink
Pipe	Plastic	Pleasure	Pocket	Point
Pointed	Poison	Police	Polite	Pondo
Postman	Poterai	Present	Prince	Progress
Psycho	Psychology	Punishment	Purple	Puwai
Puzzled	Queenson	Queen	Queenie	Question
Rairai	Ramangwana	Ramson	Rape	Reason
Regai	Remember	Respect	Return	Rhythm
Rockson	Rudeboy	Rufu	Rukweza	Rumour
Rumurai	Runako	Runyararo	Sajeni	Sanganai
Schoolson	Scottishman	Secret	Seed	Seedman
Seedson	Service	Seshwana	Setmefree	Sexman
Seven	Shadow	Shakehands	Shame	Shashumba
Shaveson	Shingai	Shingirai	Shingisai	Shokorashe
Shomba	Shongedzai	Shongesai	Shorai	Shortcut
Shortman	Shuga	Shuvai	Shylet	Sight
Sign	Sikisipence	Silence	Silent	Silk
Sister	Six	Sixia	Sixpence	Sixteen
Slight	Slow	Small	Smilemore	Snapping
Soccer	Sorry	Soundness	Special	Specialist
Spirit	Spray	Squash	Squashmore	Stamp
Stanislus	Star	Stay	Stockyard	Stone
Strange	Stray	Stream	Style	Success
Sudden	Sufficient	Sugar	Sundaynight	Sungirai
Svodai	Svosverai	Sweetman	Sweetness	Sweetnight
Syrup	System	Tagona	Taisekwa	Taitei
Takesure	Takomborerwa	Talkative	Tallman	Tanatsiwa
Tangai	Tanyemwerera	Tapedza	Tararama	Tarisai
Tarisaizero	Tashinga	Tatenda	Taurai	Tauya
Tavepi	Tazvida	Tazvishaya	Team	Tererai
Tested	Think	Thinkmore	Thompson	Tidy
Tight	Timer	Tinodya	Tiny	Titsumba
Todii	Togarepi	Toolate	Toosoon	Toothache
Torai	Trained	TryAgain	Trymore	Tungamirai
Unhappy	Uniform	Usiku	Veneris	Vhairai
Vhenekai	Vhumukai	Virgin	Warning	Watch
Watchman	Watchout	Watts	Wednesday	Welshman
Wetson	Whenfor	Whiskey	Whistle	White
Whyme	Wilt	Wilting	Wilton	Window
Windson	Wisdom	Wise	Wiseman	Wonderful
Worry	Zero	Zerorangu	Zivanai	Zororai
Zororo	Zvanyadza	Zvenhando	Zvidei	Zvigodii
Zvigozodii	Zvide

---

Hwisisazve kuti unokwanisa kuva munhu uya anoseka mazita evamwe vanhu, usingazivi kuti mubereki ndiye anopa munhu zita. Uchaonazve kuti mwana wako anokwanisa kukura agodanana nomukomana/musikana ane zita riya rawaiseka. Zvinokwanisikazve kuti mwana wako akure agoita vana vakevo agovapa mazita iwawo ausingadi.